Lasaña rápida de grelos

Hoxe temos unha receita para todos aqueles que non gustan de cociñar! Esta lasaña está feita a base de precociñados, podería estar no blog de Falsarius chef (moi recomendable, por certo). É tan doada esta receita que pouco se me ocorre que contarvos aparte de que nunca probara os grelos en conserva, están super bos!

Para isto empreguei unha lata de 800 gr. de A Rosaleira, vendéna en moitos supermercados e imaxino que haberá máis marcas con formatos similares. O bechamel podédelo comprar feito, pero está máis bo caseiro, e tendes xa uns trucos para facelo.

Ingredientes (para 5 ou 6 racións)

9 placas de lasaña precocida

750 ml de bechamel

Unha lata de 800 gr. de grelos 

8 culleres de tomate fritido con cebola, de bote.

150 gr. de queixo relado (emmental, cheddar, etc.)

Unha presa de cebola fritida de bote

  1. Escoamos os grelos para retirar o exceso de líquido, pero sen esmagar.
  2. Prequecemos o forno a 180º, por riba e por baixo.
  3. Colocamos 3 placas de lasaña cubrindo a base da fonte e untámolas ca metade do tomate fritido. Botamos a metade dos grelos e a cebola seca por riba, cubrimos todo co bechamel.
  4. Repetimos o paso 3.
  5. Cubrimos cas 3 últimas placas. Botamos o bechamel que quede e por riba, tendo conta para que non quede nengún recuncho seco  e despois o queixo relado.
  6. Cocemos no forno a altura media durante 30-40 minutos, ata que estea dourado.

Que aproveite!

lasaña_1

lasaña_2

lasaña_3


Comments

  1. María Esther
    23/01/2016 - 12:30

    Ayer la hice, sin cebolla, con grelos cocidos por mí y salsa de tomate también hecha a mano. Resultado espléndido. Gracias

    • Ola María Esther! faime moita ilusión que a xente probe as receitas e quede contenta con elas. Graciñas polo teu comentario!

Deixa unha resposta

Your email address will not be published / Required fields are marked *