Polenta fritida con cebola

A polenta cocida é un prato tan típico do norte de Italia, que os do Sur chaman aos do Norte polentones. Outro uso para esta especie de fariña de millo, ademáis de biscoitos coma este, é facer petiscos coma o que hoxe nos ocupa, moi sinxelo e saboroso para acompañaren mollo de tomate caseiro, queixo fundido ou coma guarnición de peixes ou carnes.

A polenta é bastante habitual nos supermercados e hipermercados, fixádevos que veña precocida, porque senón leva moitísimo máis tempo. Eu boteille cebola crocante da que venden feita, pero podemos cambiala por noces, atún, anaquiños de xamón, etc.

Ingredientes (para 4 ou 5 racións)

Medio quilo de polenta

Unha culleriña rasa de sal

100 gr de cebola seca

Aceite de xirasol para a tixola

  1. Cocemos a polenta segundo as instruccións do fabricante.
  2. Engadimos a cebola e estendemos nunha fonte rectangular, procurando que quede lisa por cima e cun grosor de 3-4 cm.
  3. Deixamos arrefriar.
  4. Cortamos o contido da fonde en rectangúlo de 8-10 cm de longo e 2-3 cm de largo.
  5. Quecemos un par de culleres de aceite na tixola, e poñemos os pauciños a dourar. Se vedes que se pegan, botádelle máis aceite. Repetimos por todos os lados.
  6. Colocámolos nun prato cun pano de papel para que absorva o exceso de aceite e servimos coa guarnición que nos apeteza.


Deixa unha resposta

Your email address will not be published / Required fields are marked *