As Galeguesas de Facenda O Agro

Hai unhas semanas pasei por Celanova e tiven a oportunidade de ir visitar a facenda O Agro. Trátase dunha explotación agraria que leva varios anos criando gando nos montes de Santiago de Amoroce dun xeito extensivo: as vacas viven libres pacendo herba e así o monte está coidado e non arde, o que fai desta facenda un proxecto moi especial.

primavera3
O monte na primavera

 

vacas1
O monte en setembro

O responsable da facenda é Roberto Álvarez. Despois de estar varios anos emigrado en Madrid e de facer un curso de elaboración de queixo en Euskadi, decidiu voltar a súa vila para comezar este proxecto agrario. Despois de conseguir o arrendamento dos montes comunais e facer a limpeza e o mantemento, os primeiros becerros chegaron no ano 2007: agora hai en total trescentas vacas, cento cincuenta da raza Salers, orixinaria do centro de Francia, e 150 cachenas raza autóctona, máis adecuada para as costas pronunciadas dos montes da Baixa Limia. Entre o coidado do monte e a carnicería da praza da abastos traballan seis persoas.

vacas3

Además da herba, as vacas son alimentadas con millo, cebada e trigo. Como vos podedes imaxinar, a carne é moi saborosa: as súas hamburguesas galeguesas - feitas con pan raiado e un adobo especial de especias- están a coller cada vez máis fama. Tamén traballan xarrete, solombo, entrecote... Véndese a restaurantes, en feiras, en comercios minoristas e na praza de abastos de Celanova, onde teñen unha sala de despece.

sala2

Además da herba, as vacas son alimentadas con millo, cebada e trigo. Como vos podedes imaxinar, a carne é moi saborosa: as súas hamburguesas galeguesas - feitas con pan raiado e un adobo especial de especias- están a coller cada vez máis fama. Tamén traballan xarrete, solombo, entrecote... Véndese a restaurantes, en feiras, en comercios minoristas e na praza de abastos de Celanova, onde teñen unha sala de despece. As galeguesas pódense atopar en tendas como O gran colmado, en Ourense, e tamén en Compostela, Ribadeo, Lugo e Vigo. Se sabedes de máis sitios, por favor avisade nos comentarios!

primavera4

Un dos obxectivos da facenda é evitar que o monte arda. Se as terras están coidadas e teñen uso productivo é moi difícil que prendan grandes incendios e asolaguen o monte. Dende fai anos, nas terras de Amoroce non houbo lumes de importancia. Os terreos que ocupan as vacas do Agro abranguen 800 hectáreas, e Roberto ten intención de traballar con máis proxectos da comarca, cedendo unha parte do monte a asociación cultural Arraianos, que traballa en terapias con animais para nenos con problemas. Ademáis, nestes terreos construirase un centro veciñal para a aldea de Santiago de Amoroce, que aínda non dispón dun.

O que da de si o monte!

primavera1toxos2

As fotos máis verdes (de primavera) foron cedidas por Facenda O Agro, o resto son mmiñas :)

 


Sete días sen forno

Acabes de mudar a un piso no que non hai forno? A min tamén me pasou, varias veces, é ao longo dos anos unha foi deixando atrás inventos FAIL (unha vez quedei tamén sen microondas e acabei facendo unha pizza Tarradellas nunha tixola, non vos digo máis). Fai un tempo @antia_paz propuxo facer un menú semanal, e aquí está: para todos aqueles con esta problemática vai esta selección de receitas, unhas poucas están en inglés (xa vai o aviso antes da ligazón) e o resto en español ou en galego. A miña selección foi segundo estes criterios: que me gustasen, que fosen tirando a baratas, sinxelas e que aguanten nun tupper, por se sobra para a cea!

Luns:

Salteado de gnocchi con bonito, tomates e olivas

gnocchivia El mileurista Gourmet

 

sorbete

via Jamie Oliver

 

Martes:

Kebabs de porco e ameixas (ENG)

kebab
via The Guardian

 

arroz_leite
via O garfelo

 

3fish
via Nigella Lawson

 

torta_chocolate
via Eating meine Liebe

 

Xoves:
cous_cous
via Directo al Paladar (Pintxo)

 

paste_queixo
via El comidista

 

Venres:

Salada de salmón e patacas (ENG)

salmon_ensalada
via Jamie Oliver

 

mouse

via Nigella Lawson

 

lamb
via Nigella Lawson

 

mojito

via Jamie Oliver

Domingo:
macarrons

 

xeado_iogur

via Trasteando en mi cocina


Cervexas artesás galegas - segunda parte

Aquí está a segunda parte do artigo máis lido do blog! Se coñecedes máis cervexas artesás, dade aviso nos comentarios, no Facebook, no twitter ou por mail á dirección queroxamon [@] gmail.com, que igual dá para unha terceira parte! Lembrade que haberá un festival de cervexas artesás en Ourense, a fin de semana do 21 de setembro

Keltius

keltius

Outra iniciativa artesá de Ourense, que conta con catro variedades fixas e tres estacionais:

  •  Viso: English Pale Ale con prominente sabor a malta, especialmente caramelo, pero cun lixeiero amargor e aroma propios dos lúpulos ingleses. Trátase dunha cerveza de 6º con carácter e corpo medio, pero o suficientemente dócil como para agradar á maioría dos padais.
  • Mosteiro: É unha cervexa intensa de sabor e cor gracias á combinación de seis maltas. Ao estilo das cervexas belgas de abadía, atopamos toques doces, matices de froitos vermellos e certo retrogusto a alcol moi ben acoplado. Sabores intensos a chocolate e caramelo envoltan todo o padal. O seus 7,5º fana perfecta para degustar con calma e boa compañía.
  • Miño: Cervexa estilo "Indian Pale Ale" elaborada con lúpulos galegos. Cunha base de Nugget en amargor e sabor, y o remate do Columbus no aroma. Moi refrescante e bebible, con corpo medio e 5,5º de gradación.
  • Trasno: Golden Strong Ale ao estilo belga, de 8,5º. Lixeiramente doce e con retrogusto resinoso e sabor de lévedo, leva un toque de cilantro que a fai fresca e moi bebible.
  • LedIPA - estacional: Como indica o seu nome, é unha cervexa de estilo "Indian Pale Ale" con 6,8º. O amargor del lúpulo, a pesares de ser intenso, vese ben compensado pola alta proporción de malta. Ademáis, leva xenxibre na súa receita, o que a fai refrescante, intensa de sabor e sobre todo de aroma.
  • Parda: American Amber Ale de cor parda. No nariz nótanse os lúpulos americanos e toques de toffe, na boca resulta lixeiramente amarga e bien contrabalanceada ca presencia das maltas caramelo que lle dan un toque doce.
  • Ulaq: Imperial Stout estilo americano, elaborada con café de Vietnam en grao e infusionado. Trátase dunha cervexa contundente e amarga (80 IBU), de corpo medio e 8,7º. Perfecta para unha fría tarde de inverno.

Están a piques de abrir un brew pub na rúa Bellao, número 2, estade atentos ao seu Facebook para saberes a data exacta.

Menduíña
Mellor nome de cervexa ever
Mellor nome de cervexa ever

Cervexa feita en Cangas do Morrazo,  conta cos seis variedades:

  • Loira (rye lager) : Elaborada con maltes pilsner, centeo, algas galegas e lévedo de baixa fermentación. Cor dourada brillante cunha suntuosa capa de escuma branca. Perfil maltoso, de corpo medio e redonda na boca. Sutil amargor de lúpulos nobres e final seco.
  • Barda (pale ale): Cor cobre clara, burbulla pequena e carbonatación moderada. Perfil aromático, padal afroitado e largo final amargo aportado pola carga extra de lúpulos seleccionados.
  • Duir (extra special bitter): Seductora cor vermella con coroa de escuma branca.
    Pleno sabor a maltes doces balanceado inmediatamente despois con lúpulos aromáticos. Final seco e torrado.
  • Corma (stout): Cor escura con destellos rubí e persistente escuma cremosa. Perfil torrefacto con notas de cacao e café. Sedosa en boca, corpo cremoso e final amargo.
  • Demo neghro (Imperial stout): Negra con reflexos caoba, coroada cunha escuma beige de duración media. En nariz predominan os aromas a cacao amargo, café e mel. Intensa, sabor a malte torrado cun punto afumado e licoroso. Destacada presenza de lúpulo que aporta un matiz herbal. Amargor medio - alto, final largo e seco.
  • Beltán (summer ale): A única summer ale concebida para acompañar pratos galegos do mar. Dunha turbia cor ámbar clara, de fina burbulla e carbonatación media. Un chisco de loureiro achégalle un especial aroma e delicada entrada en boca.

A súa produción é limitada. Velaiquí un video no que nos amosan a súa elaboración

Elaborando Menduiña - Brewing Menduiña from Adegas Menduiña on Vimeo.

 

Peregrina

peregrina

Cervexa feita en no polígono de Costa Vella en Compostela, na súa fábrica pódese observar o proceso de fabricación, que vai dende molturación da malta, pasando pola filtración, cocción, fermentación e embotellado. A cervexa chega ao público como un produto totalmente vivo, xa que unha vez embotellada segue facendo unha refermentación natural na botella. Ofrecen tres variedades: Peregrina, Peregrina Morena (tostada) e Peregrina Premium (escura), todas elas feitas con augua 100% de Galicia, malta 100% de cebada e lúpulo.

Dispoñen dunha zona de degustación e venda directa, o horario de verán é os xoves e vernes a apartires das 18:30.

Píntega

pintega

Cervexa caseira feita en Lugo, non se comercializa de xeito oficial pero pódese atopar os martes de 17:00 a 20:00 na praza municipal de Lugo no @mercado da terra. Os produtores da Píntega comezaron a elaborar cervexa hai cinco anos e están traballando para ter unha planta de producción estable nunha casa de aldea na Fonsagrada.

A variedade que elaboran é a blanca belga. Últimamente tamén están experimentando co uso da castaña como ingrediente e comezaron a elaborar unha "tostada" belga. A partires de setembro ou outubro, comezarán a acordar con bares e asociacións de Lugo datas para impartir catas e cursos de elaboración, para máis información consultade a súa páxina de Facebook.

Samargal

saramagal2

Dende o ano 2005 Anxo e Quique eleboran esta cervexa en Barro (Pontevedra). É unha empresa familiar que aposta pola calidade e non pola cantidade. Dende comenzo do ano 2011 elaboran 1.000 litros de cervexa artesá semanais, utilizando materias primas de Baviera e Republica Checa (as maltas) e de Reino Unido e Eslovenia (os lúpulos). O principal obxectivo de Saramagal de cara o ano 2012 era duplicar a producción.

  • Stipe: tipo Indian Pale Ale (IPA). Feita con tres clases de lúpulos que lle dan un carácter agresivo e  unha grande personalidade, o que a fai unha cervexa "para cerveixeros". De cor ambar escura con destellos de mel, ten aroma de cereais crudos, as maltas utilizadas aportanlle un sabor a biscoito e un toque final torrefacto.
  • Inmaculate: tipo Ale rubia estilo belga. Cor pálida, con desprendemento constante de burbullas, ten un carácter suave e doce de malta pilsen. Mostra un sutil carácter cítrico.
  • tHe PyLoN: rubia de trigo: entre as maltas utilizadas para producir esta cervexa rubia incorpóranse a malta pale e tamén malta de trigo. De carácter suave e doce, o suave carácter alcohólico faise evidente no retrogusto, o amargor medio é moi moderado debido a las tres clases de lúpulos utilizados. De carbonatación alta.

Aquí podedes consultar un listado de puntos de venda: http://www.saramagal.es/donde-beber-saramagal/

San Amaro

san_amaro

EDITADO: Esta marca de Redondela produce a súa cervexa en Bélxica. Comercializa tres variedades distintas, dispoñibles en moitos supermercados e bares como O Bandullo, en Ourense:

  • San Amaro Pale Ale: De alta fermentación ou fermentación tipo "Ale" esta cervexa faise con maltas de color claro, tipo "Pale". É unha cervexa fresca, lixeira e lupulada.
  • San Amaro Dark Ale: De fermentación alta tipo "Ale", o seu inconfundible carácter está dominado pola intensidade de la malta torrada. Cor oscura e avermellada.
  • San Amaro Navidad: Varía cada Nadal, estade atentos á de este ano!

Tamén ofrecen un servizo de venda online: http://www.cervezasanamaro.es/spa/nuestras_cervezas.php

Se queredes máis información:

Asociación Galega de Cerveixeiros Artesáns

Brew club Ourense

Asociación Lupulum Vigo

Barro Cervexa Fest

Festival da cervexa das Rías Baixas

Artigo sobre Cerveceros artesanos gallegos


Cervexas artesás galegas - primeira parte

Dende fai xa algún tempo, están a xurdir moitas pequenas empresas que comercializan cervexa artesanal, unha tendencia que ven de Estados Unidos e outros países de Europa. Segundo Javier Acosta neste artigo de Atlántico.net o segredo do éxito das cervexas galegas está na auga, xa que a súa calidade evita que haxa que limpala our engadirlle enriquecedores alimenticios; tan só é necesario deixala repousar para eliiminar o cloro.

Aquí vai unha pequena escolma de cervexas que coñecín a través de internet ou por amigos (aínda non puiden probalas todas). OLLO: non todas se comercializan, algunhas só se fabrican de xeito caseiro e distribuense entre coñecidos ou en eventos especiais. Se coñecedes algunha outra, dade aviso nos comentarios, no Facebook, no twitter ou por mail á dirección queroxamon [@] gmail.com.

Por orde alfabética:

Dama alaricana

dama

A familia Conde-Rodicio elabora cervexa con produtos naturais e con auga natural da Portela de Airavella, en Allariz. Durante a súa produción non se utilizan conservantes nin colorantes artificiais. Esta cervexa artesá non está pasteurizada e realiza a súa segunda fermentación en botella. Segundo a súa web, é unha cervexa queimada/torrada, de cor ambar con fulgores avermellados, escuma densa e branca de aspecto cremoso e burbulla fina. Carbónico tenue. Aroma intenso claramente maltoso a cereal, con notas de galleta acaramelada e coñac. De sabor doce e lixeiramente áspero ao padal con amargor seco e sutil.

Deep taste

deep-taste

Non se comercializa: Unha iniciativa de Ourense que ofrece cervexas cunha grande carbonización, sen filtrar nen pasteurizar. Teñen dúas variedades: Alter Ego, con corpo e sabor intensos e dunha una alta graduación alcohólica, e Heisen Beer, cervexa de trigo estilo alemán, de cor escura e corpo lixeiro.

De Lago

cerveza-vigo-470x260
Foto: La aprendiz de chef

Fabricada en Vigo por Javier Acuña, elaboran polo momento 500 litros semanais. Vendese do barril ou embotellada, e ten tres variadades: Zenit, tipo pilsen; Mi morena, unha cervexa cun toque máis ben doce e pouco amargo e, por último, a Porter feita a base de malta de cebada e avea e envellecida en carballo o que lle confire un toque a regaliza e a madeira. Fonte: http://www.n10news.com/

Galago Craft Beer

galago

Non se comercializa: Elaborada en Ourense por Glenn Schippers, ten catro variedades:

  • San Martiño, unha cervexa tipo quadrupel feita con castañas e azúcre candi, adicada ao patrón de Ourense e ideal para entrar en calor no magosto.
  • Ouro Amarelo, unha American IPA con lúpulo amarelo.
  • A Guardesa, unha Belgian Pale Ale cunha selección de maltas especiais belgas - típica de Amberes -
  • Antela Branca, de trigo, avea e centeo con especias e lúpulos aromaticos.

Para saberes maís, visita a súa páxina de Facebook (Preme no título).

Gorde's Beer

gordes

Non se comercializa: Feita en Lalín por Sebastián Taboada, Carlos Taboada, Lois Alfaya e Julio López dende o ano 2009. Hai uns meses fixeron unha pequena colaboración cunha cervexería local. Máis información na súa páxina de Facebook (Preme no título).

Ancora (antes Meiga tola)

ancora

Cervexa feita tamén en Ourense, por "Cervexa artesanal Majoli Malias". Fai pouco tiveron un stand nas festas do Corpus de Ourense e participan no Artbeerfest de Caminha (Portugal).

Se queredes máis información:

Asociación Galega de Cerveixeiros Artesáns

Brew club Ourense

Asociación Lupulum Vigo

Barro Cervexa Fest

Festival da cervexa das Rías Baixas

Artigo sobre Cerveceros artesanos gallegos


Cinco trucos para facer bo café na casa

En case todas as casas hai unha cafeteira italiana, de metal, de-toda-a-vida. É a que eu uso máis a miúdo, xa que o café de pota non me acaba de convencer, e acho que as Nespresso saen moi caras para unha adicta ao café coma min. Este é o meu o meu top 5 de trucos para que saia un café rico:

  1. Moer o café na casa, ou compralo moído nunha tenda de café. Eu acabo por comprarlo no super moitas veces, pero o arrecendo non é o mesmo. En Ourense podedes probar en Café Campos. Pedídeo moído medio, deste xeito non subiran gráns soltos polo conduto da cafeteira (que logo deixan os posos eses molestos).
  2. Quentar a auga primeiro. Con isto evítamos que o café quente demais co lume e saque gusto metálico. Se vivides nun sitio onde a auga da traída é dura, usade a de botella para evitar que queden manchas de cal. Se por un despiste queimades a goma polo calor, pódense comprar soltas nas ferreterías para non ter que cambiar a cafeteira enteira.
  3. Botar o café a modiño, sen esmagar coa culler para que caiba máis. Con que sobre un cachiño por enriba que se poida aplastar ao pechar xa vale. Isto dependerá tamén da forza do café, pero non por ser máis negro vai saber mellor.
  4. Non deixar que o café ferva. Isto é MOI IMPORTANTE. Café fervido, café fodido: cando saia a escuma beis, sacadéo do lume.
  5. Nunca hai que fregar a cafeteira, sobre todo cando é nova. Os restos do café fan de pantalla para que o líquido non colla sabor metálico, e se lle pasamos o estropallo poden quedar restos de xabón nas esquinas que fan que saiba peor. Enxougala con auga, escorregar e xa está lista para a vindeira taza: