Crumble de ameixas

O crumble é unha receita moi popular en Gran Bretaña, fíxose popular na Segunda Guerra Mundial, cando o racionamento: ao non haber fariña e leite suficiente para facer as tortas tradicionais empregábase unha sinxela cobertura feita de fariña, azucre e manteiga sobre unha base de froita.

É unha sobremesa moi sinxela, ideal para facer cos nenos, e admite moitas variacións. As froitas máis tradicionais para facelo son a mazá, as ameixas, os arandos, o pexego e os amorodos (teño pendente probar a mesturar varias). Para a cobertura tamén se poden engadir froitos secos moídos ou galletas esfareladas, e o punto máis lambón: acompañala de nata montada ou líquida.

Ingredientes (para 4 ou 5 racións)

3 ameixas grandes, ou 4 pequenas

1 culler rasa de fariña.

1 culleriña rasa de canela en po

1 culler rasa de azucre moreno

Para a cobertura:

100 gr. de fariña

70 gr. de manteiga

2 culleres de azucre branco

2 culleres de azucre moreno.

  1. Prequentamos o forno a 180º
  2. Lavamos as ameixas, quitámoslle a semente e cortámolas en anacos moi pequenos. Podemolas pasar pola batedora, pero sen facer puré.
  3. Mesturámolas ca fariña, canela e azucre, remexendo cas mans.prep2 Colocámolas nunha fonte de cerámica ou cristal.
  4. nun prato mesturamos todos os ingredientes de cobertura cas mans, ata que quede unha textura areosa, de boliñas.prep1
  5. Cubrimos as ameixas, remexendo un pouco cos dedos para que as farelas da cobertura se metan nos ocos que haxa.prep3
  6. Cocemos durante 30-40 minutos, ata que a cobertura estea dourada.

Que aproveite!

2_crumble 1_crumble

 


Porco guisado con ameixas

Este guiso é típico da zona sur de Portugal, o Alentejo, sendo coñecida noutras zonas do país coma "porco á alentejana". Ten unha elaboración bastante longa, hai que mariñar a carne o día antes, pero queda un sabor tan especial que ben paga a pena. A carne de porco pode ser de varios cortes, pero queda mellor un que teña graxa, tipo paleta.

Este é un deses pratos com moitos sabores: eu son das que gustan deles, pero hai xente que prefire sabores máis sinxelos, hai queda o aviso :) O mesmo acontece co coandro, a mín gústame: desta vez non lle puxen porque non tiña, pero á maioría da xente que coñezo dalle noxo... ¿a vós gústavos? Contade as vosas vicisitudes co coandro nos comentarios ou no noso Twitter!

Ingredientes

500 gr. carne de porco
1 kg ameixas
2 cebolas
2 culleres de massa de pementão
4 tomates
2 culleres de unto (lardo)
1 vaso de viño branco
1 folla de loureiro
2 craveiras
Coandro fresco (opcional)
Sal e pementa ao gusto de cada un
2 dentes de allo

  1. Cortamos a carne en anacos pequenos.
  2. Xuntamos o pementón, o viño branco, o loureiro, as craveiras, un dente de allo picado, o sal e pimenta. Remexemos e deixamos mariñar dun día para o outro.porco-ameixas4
  3. Ao día seguinte cortamos as cebolas en rodas, o outro dente de allo e o tomate sen pel nen anacos duros, e levámolo todo ao lume cunha culler de unto.
  4. Deixamos refogar ata que o tomate e as cebolas estean cocidos.
    Engadimos as ameixas, previamente lavadas varias veces.
  5. Logo de que as ameixas abran, salpementamos e deixamos ferver 1 minuto máis.
  6. Retiramos do lume. Noutro recipiente fritimos a carne co resto do unto.
  7. Engadímoslle 2 culleres do líquido da mariñada e deixamos cocer durante uns 5 minutos.
  8. Xuntamos as ameixas e a carne, servimos con cachelos ou patacas fritas en cubos, todo esparexido con coando fresco picado.

porco-ameixas3

porco-ameixas1


Espeto de porco, albaricoque e touciño entrefebrado

Tiña ganas xa dende hai tempo de probar un espeto de carne, e un día atopei de casualidade esta receita que fixen sen moitos cambios (e tan sinxela, que non dá para máis!). No canto de ameixas usei albaricoques deses pequeniños, pero penso repetila cas ameixas moradas, as miñas favoritas. A mestura de carne e doce non sempre é do gusto de todo o mundo, sempre podedes facer probas con outras froitas (o mango iríalle ben) ou facelas con touciño só, pero así perderían un pouco de gracia...

Moi recomendable para leva preparada a unha barbacoa, ou para facer nunha tixola-grella que teñades por casa. Eu só teño unha tixola normal, e tiven que recortan un chisco as puntas do espeto para que caibesen: ollo con iso, comprobádeo antes de insertar a carne.

Ingredientes (para catro espetos)

250 gr. de paleta de porco en dadiños de 2x2 cm.

5 albaricoques pequenos

8 tiras de touciño entrefebrado

Sal e pementa

Un chisco de aceite - só se usades unha tixola

  1. Botamoslle o sal e a pementa á carne.
  2. Lavamos os alabaricoques e cortámolos pola metade. Quitámoslles o óso.
  3. Cunha tira cada unha (ou media, se e moi larga) envoltamos as metades dos albaricoques.
  4. Metemos un anaco de carne, medio albaricoque e así sucesivamente ata que o espeto quede case cheo, deixando un espacio para collelo cas mans.
  5. Quentamos a tixola (grella, barbacoa, etc.) e cociñamos ata que o porco estea ben feito e o touciño crocante.
  6. Servimos axiña, que frío non vale nada!

Nota: Un truco para que os espetos non rachen é mercalos de bambú. Son máis caros pero tamén máis resistentes. Se non, collede uns "de toda a vida" e deixadeos en remollo vinte minutos antes de usalos, así quedarán máis elásticos.

Que aproveite!espeto5 espeto4 espeto2

 

 


Spaghetti alle vongole (con ameixas)

Cando era pequena alguén aprendeume que a pasta non se tomaba con peixe nen con marisco, e tardei moitos anos en superar esa manía, non sei por qué. A pasta vai ben con case calquera cousa! Eu non fixen a proba, mais penso que tamén saberá ben con croques ou mexillóns.

Esta receita é típica en italia, sobretodo na rexión de Nápoles: moi sinxela e bastante lixeira, fai moito avío como prato post-festas de Nadal :D

Ingredientes (para 4 racións)

400 gr. de spaguetti

1 kilo de ameixas

150 ml. de viño branco seco

150 gr. de tomatiños cherry

1 dente de allo, picado

4 culleres de aceite de oliva

1 chile (opcional)

Sal, pementa ao gusto.

  1. Nunha pota botamos o viño e as ameixas. Co lume medio, tapamos a pota e deixamos que as ameixas abran co vapor do viño. Cando estean todas abertas, retiramos e deixamos enfriar un pouco.
  2. Botamos a cocer os spaghettis segundo as instruccións do fabricante.
  3. Escoamos o líquido do paso 1 tendo conta de que non quede area. Sacamos as ameixas das conchas, deixando algunha enteira para decorar.
  4. Nunha tixola grande quentamos o aceite e botamos: o allo, o sal, a pementa, os tomatiños abertos pola metade (e o chile, se vos gusta picante). Deixamos cocer 5 minutos e esmagamos os tomates cunha culler de pau para que solten a polpa. Engadimos as ameixas e o viño.
  5. Escoamos a pasta e botamola na tixola, remexendo ben.
  6. Colocamos a mestura no prato e decoramos cas ameixas enteiras.

Nota: Non fai falla botarlle queixo, o prato xa ten un sabor moi intenso de seu. Que aproveite!

spaguetti_vongole2


Sopa de cabaza con ameixas refogadas

Unha sopa de outono para aproveitar as ameixas frescas. Seguro que xa fixestes sopa de cabaza algunha vez, nesta receita tentei darlle un toque diferente engadindo as ameixas refogadas, unha idea que saquei desta receita de El comidista.

Ingredientes (para 4-5 persoas)

1 quilo de cabaza

1/2 cebola

1 pataca grande

75 gramos de manteiga

Sal e pementa

Para a gornición:

6 ameixas

2 culleres de améndoa moída

1 culleriña de perixel

2 culleres de aceite de oliva

Azucre (opcional)

sopa_cabaza3

  1. Nunha pota grande botamos a manteiga e derretimola.
  2. Cortamos a cebola en rodas finas, botámola la tixola. Pelamos a cabaza, cortámola en dados e engadímola á tixola xunto co sal e a pementa. Co lume medio, deixamos que coza durante 20 minutos.
  3. Engadimos a auga ao contido da pota e tambén a pataca pelada e cortada. Deixamos cocer 40 min, proximadamente, a lume medio. Retiramos a sopa para logo.
  4. Quitámoslle o óso as ameixas e partímolas en 6 ou 8 anacos cada unha, dependendo do grandes que sexan. Nunha tixola a lume alto, pasámolas 30 segundos sen aceite, e despois engadimos as améndoas, o aceite e máis o perixel. Probamos, e se está acedo engadimos un chisco de azucre.
  5. Servimos a sopa en boles e decoramos cas ameixas.

Que aproveite!

sopa_cabaza2
Sopas xemelgas