Cinco mollos picantes para principiantes

O picante é algo que, quitando os pementos de padrón, non se estila moito en Galicia. Cada vez hai máis variedade nos supermercados e restaurantes, pero moita xente non se atreve a probalos porqu pensa que lle van a sentar mal ao estómago. Se non tendes problemas de dixestión, podedes comer picante tranquilamente, o peor que vos pode pasar é que soltedes unhas bágoas!

Para que vos fagades unha idea, a escala Scoville é unha medida do picor nos pementos (tamén coñecidos como chiles). Comezaría con 100 unidades, que é o que tería, aproximadamente, un pemento común. Os pementos de Padrón andarían entre as 2000 e 300 unidades, e de momento remata a clasificación o "Carolina reaper", un pemento que ten un picor de ata 2.220.000 unidades.  Os mollos que mencionamos neste artigo ten andan pola altura dos pementos de Padrón.

Un bo xeito de comezar a comer picante é con mollos preparados que venden no supermercado. Así podes ir probando a intensidade, facer unha idea e probar combinacións distintas. Hay moitísimos, pero penso que esta selección é boa para os principiantes:

O'preve - churrasco picante: o mollo de churrasco, pero con pemento picante engadido. Serve para churrascos, carnes á grella ou ao forno, salchichas, bocadillos, tortillas... Feita en Sada, pódese atopar fácilmente en calquer súper galego un pouco grande.
Salsa verde: Este mollo está feito a base de tomates verdes, allo, perixel e chiles verdes. É moi típico botarlla aos tacos e enchiladas, e tamén ás enchiladas e costelas de porco. Con totopos vai moi ben de entrante. Hai moitas marcas, a da foto pódese atopar no Froiz, ou en tendas online.
Tabasco: Aínda que leva o nome dun estado do suer de México, este mollo está feito nos Estados Unidos pola empresa McIlheny. O deseño da botella leva máis de cen anos sen cambiar e é moi doado de atopar nas tendas. Vao moi ben para botarle ás aliñas de polo, ou para "picantizar" otros mollos, coma o de tomate.
Lao Gan Ma: Máis que un mollo, é aceite de chile. a base é aceite de canola con feixóns negros e chiles. Ten un sabor levemente doce e afumado, é moi boa para adobar bocadillos, tortillas, arroces fritidos ou fideos estilo asiático. Atópase en supermercados asiáticos ou en Ebay. O seu nome vén sendo algo asó como "a madriña", que é a fundadora da empresa que sae tamén na etiqueta.
Sriracha: é un mollo feito a base de chile, vinagre destilado, allo azucre e sal. Chámase coma a cidade tailandesa de Si Racha, onde se comenzou a usar para adobar o marisco local. Hoxe é moi coñecida en todo o mundo e usáse para botar no marisco, pasta ou arroces, e tamén en ovos revoltos ou bocadillos. Véndena na zona de produtos internacionais de Carrefour ou do Corte Ïnglés, e tamén en moitas tendas online.

PD: A imaxe que ilustra o post é a escala Scoville nun mostrador con chiles picantes á venda, en  Houston, Estados Unidos, sacada da Wikipedia


Sopa de fideo seco con queixo do Cebreiro

Unha desas cousas que se atopan de casualidade: buscando receitas novas para facer vin na conta de Twitter de @Gastrogram (moi recomendable se queredes devecer con fotos de comida) un concurso que se estaba a celebrar no DF de sopa de fideos secos. Puxenme a indagar e resultou ser un prato semellante á fideuá, que non ten nada que ver cos pratos máis coñecidos de México.

Polo que polo que lin por Internet, é un clásico entre os cativos mexicanos e non me estraña, porque é delicioso. Eu fixen a miña versión enxebre engadindo queixo do Cebreiro, pero válevos ben outros que derretan fácil, coma a mozarella ou incluso a ricotta. Tamén se lle pode engadir aguacate en láminas.

Nota: a min gústanme od fideos gordiños e para esta receita comprei os de calibre nº 4. Isto vai por gustos! Tamén usei cebola morada, porque era a que tiña na casa :D

Ingredientes (para dúas ou tres racións)

300 gr. de fideos

2 tomates medianos

1/3 dunha cebola mediana

1 dente de allo

2 racións de caldo de polo tipo Avecrem (tamén pode ser de verduras)

2 vasos de auga

3 culleres de aceite de oliva

Sal ao gusto

100 gr. de queixo do Cebreiro para acompañaren

  1. Pelamos os tomates, o dente de allo e cortamos a cebola en rodas finas.
  2. Disolvemos o Avecrem nos vasos de auga (mellor se está quente)
  3. Metémolos na batedora ou trituradora ata facer un liquído homoxéneo (non hai que engadir auga, co líquido dos tomates será dabondo).prep1
  4. Botámos dúas culleres do aceite nunha tixola, quentamos e botamos os fideos nela. Remexemos durante 5 minutos ata que douren por fóra. Andade con conta porque torran moi rápido!prep3
  5. Retiramos os fideos a un prato.
  6. Botamos unha culler de aceite na mesma tixola e coamos o líquido do paso 1 para quitarlle as sementes e durezas. Deixamos cocer o líquido dos tomates a lume medio, ata que espese.prep2
  7. Engadimos os fideos e remexemos. Despois engadimos a auga co Avecrem e deixamos ferver (hai que subir o lume) durante 10 minutos, aproximadamente. Retiramos do lume cando deixe de parecer unha sopa e semelle máis unha fideuá.
  8. Servimos en pratos (eu empreguei un molde para que ficasen máis bonitiños) e engadimos o queixo esfarelado por riba, para decorar.

sopaseca3


Guacamole!

Algúns alimentos preparados e envasados están bastante ben (a salsa pesto...) pero hai outros que non teñen xeito ningún. O guacamole de bote NUNCA está bo, e co doada que é a receita, paga a pena a facelo un mesmo.

Hai mil millóns de receitas de guacamole, e non sei se esta será moi ortodoxa, pero é a que ten ingredientes que máis facilmente se atopan. Se queredes levar un entrante para unha cea ou un picnic, triunfades seguro.

Ingredientes (para un bol mediano, pican tres ou catro persoas):

2 aguacates maduros - a punta ten que estar un pouco fofa.

1 tomate pequeno, maduro

Media cebola

Un chisco de coandro

Unha culleriña de mel

Zume de medio limón

Sal

6 - 8 pingas de salsa tabasco

  1. Abrir os aguacates pola metade, retirar a semente e quitar a polpa cunha culler. Trocear e botar no bol.
  2. Picar os tomates en dadiños e a cebola moi fina. Botar ao bol xunto co coandro, o mel, o zume, o tabasco e un chisco do sal.
  3. Bater ca batidora ata que quede uniforme pero con algúns cachiños. Se vos gusta con anacos gordos, en vez de usar a batidora podedes esmagar todo cun garfo.
  4. Se queda moi acedo, podedes botarlle máis mel ou un pouquiño de azucre. Ás veces hai que correxir a cantidade de sal tamén.
  5. No caso de que non o consumades inmediatamente, metede a semente no medio do guacamole, medio fundida, e tapade con film de plástico (tocando a superficie do guacamole). Así evitaredes que oxide e saque unha cor marrón bastante desagradable.

Que aproveite!