Torta de mousse de chocolate e café

Velaiquí unha reecita para os ultra-larpeiros: unha deliciosa torta de mousse con chocolate derretido, nata batida e aroma de café e crema de augardente. Unha explosión de sabor que de seguro ha triunfar nas comidas familiares ou aniversarios!

Como é unha desas cousas das que non se pode facer pouco, recoméndovos dúas cousas: ou facedes vasiños coma os de esta receita, ou vos asegurades de que vai haber moita xente para comela, xa que a enchenta pode ser boa!

Podedes substituir a crema de augardente por caña, licor café ou ron, ou deixalo sen alcol, tamén está bó! Na cobertura podedes usar cacao en pó, queda mellor se despois lle ides colocar unhas letras :)

Ingredientes (para 8 ou 10 racións)

500 ml. de nata para bater

250 gr de chocolate negro

3 claras de ovo

100 gr. de azucre (preferiblemente glass)

60 ml. de auga

20 ml de café soluble

6 láminas de xelatina neutra

60 ml de licor de augadente (opcional)

Améndoas laminadas ou cacao en po para decorar

Para a base

15 bolachas tipo Digestive

25 gr. de manteiga

3-4 culleres de leite

Hai que usar un molde desmontábel de 24 cm de diámetro, aproximadamente, e papel de forno.

  1. Forramos a base do molde co papel de forno e pechámos. Ten que quedar así:molde
  2. Quentamos un chisco a manteiga para que abrande.
  3. No triturador (ou vaso da batedora) botamos as bolachas, a manteiga e o leite, trituramos.
  4. Estendemos a pasta no fondo do molde, alisándoa cunha culler. Deste xeito aillaremos a base para que non saia o contido.
  5. Nunha pota quecemos a auga co café soluble, e engadimos a xelatina. Usamos ese líquido para derreter o chocolate, botándoo en anacos pequenos, a modiño. Deixamos arrefriar.
  6. Nun bol grande, batemos a nata co azucre ata que teña unha textura consistente.
  7. Batemos as claras de ovo ata que estean brancas.
  8. Engadimos o contido da pota no bol grande, tendo conta de que a nata non baixe: Para isto precisamos batelo a man cunhas variñas.
  9. Repetimos a operación cas claras. Se queredes botarlle o alcol, é o momento tamén :)
  10. Vertemos no molde e alisamos a masa cunha espátula ou coitelo longo.
  11. Gardámola no frigorífico durante 12 horas coma mínimo, para que calle.
  12. Antes de desmoldala, decoramos con améndoas lamindas ou cacao en po.

Que aproveite!

torta-mousse4 torta-mousse3


Cooperativa Campo Capela - Requeixo e moito máis!

A última fin de semana de agosto tiven a oportunidade de asistir á festa do requeixo de A Capela, unha aldea preto das fragas do Eume. Nela repartiron máis de 6000 racións de requeixo da cooperativa local, acompañadas de mel ou azucre: estaba boísimo! Suave e cremoso, as miña tarrina non durou nadiña...

Despois duns días, volvín pasar pola Capela, e din un chamado á fábrica Campo Capela a ver se a podía ir visitar. Dixeron que si a pesaren da pouca antelación e velaiquí está a reportaxe! A súa responsable comercial, Ana Vence, explicou todo o proceso, a gama de productos que elaboran ademáis do requeixo, a vez que sairon nun programa australiano e moitas cousas máis.

As orixes da cooperativa son do ano 1969, comezou coma cooperativa láctea e dende hai nove anos fabrican tamén derivados do leite. O seu produto estrela é o requeixo con leite cru, elaborado sen químicos: o leite chega e pasa aos tanques, onde repousa 24 horas a 22º. Sepárase a nata e lévase o callo do leite a uns sacos de tea, onde explusa o líquido antes de volver mesturarse ca nata para conseguir a textura axeitada. Aquí podedes ver como é o proceso:requeixoDSC05952DSC05972

Unha das cousas que máis me chamou a atención é a cantidade de soro que bota, e os usos que se lle dan. Na cooperativa colaboran con varios cociñeiros que o usan para mariñar carnes e peixes, e tamñen o envían a un obradoiro de licores de San Clodio (Ourense) para elaborar licor de soro de leite, algo que está na miña lista de cousas a probar!

Ademáis de requeixo, fan queixo de tetilla, o único da denominación feito con leite cru. Hai pouco comezaron a exportar, e o seu queixo xa se pode atopar en tendas especializadas de Inglaterra e Alemaña. Estas son as tarrinas do queixo mentres repousaDSC05956Tamén fan queixo "do País", en pezas de entre 500 gr e 25 quilos! e unha variante con anaquiños de chourizo recuberta de pementón. Velaiquí as imaxes:DSC05958

DSC05959 Aparte de queixo fan tarrinas de nata, manteiga e manteiga cocida (da que se usa para facer as bicas).

DSC05969DSC05968Os requeixo da cooperativa pódese mercar no Gadis, en tendas diversas e nos supermercados das cooperativas coruñesas: Santa María do Val, Meirás, etc. O supermercado de El Corte Inglés distribúe toda a gama de produtos, e ás veces fan demostracións e degustacións. Tamén editaron un libro de erceitas con requeixo, e cada verán organizan un concurso de cociña con pratos doces e salgados.

Ana comentounos que están a piques de renovar e ampliar as instalacións, estou segura de que será todo un éxito. Polo momento xa saíron moitas veces na TV, e é de destacar que o programa australiano Cheese slices, especializado en queixos do mundo, fíxolles unha reportaxe que se emitirá en todo o mundo a través do Discovery Channel. Sairá este outono, estaremos pendentes para poder velo por Internet!DSC05979DSC05982


Xeado de cheesecake

Eu sigo aproveitando a xeadeira que comprei hai unhas semanas para faceren sabores "raros" que non se atopan por aí. Neste caso é un xeado feito a base de queixo crema (coma o Philadelphia), vainilla, ovo e anacos de galletas Dixestive. É unha adaptación dunha receita de Nigella Lawson: podédela ler aquí, xunto con máis suxerencias para  os xeados....boísimos!

Os xeados conteñen diferentes cantidades de graxa segundo os ingredientes que conteñan, e iso condiciona a sensación de frío ou calor que transmeten. Isto vén ao conto porque neste caso ten bastante graxa, que o fai lene e "cálido" polo que o podedes facer tamén en inverno, para despois de comer ;)

Ingredientes (para 6-8 racións)

350 ml. de nata para bater

175 ml de leite gordo

125 gr de queixo en crema

200 gr de azucre, mellor se é glas

1 ovo

2 ramas de vainilla (ou unha culleriña de extracto)

Zume de medio limón

6-8 galletas "Digestive" ou de avea, o caso é que esfarelen

  1. Quentamos o leite nunha tixola e poñemos a vainilla para que infusione durante 5 minutos, sen que chegue a ferver. Se usamos extracto, mesturámolo co leite.
  2. Engadimos o queixo en crema, e o azucre, remexendo. o lume non pode estar moi alto.
  3. Batemos o ovo e engadímolo á tixola, mesturando todo. Apagamos o lume e deixamos enfriar.
  4. Batemos a nata nun bol grande, ata que quede consistente.
  5. Vertemos o contido da tixola no bol, a modiño para que non baixe. Engadimos o zume de limón e remexemos un pouco a man.
  6. Deixamos enfriar no frigorífico.
  7. Se temos xeadeira, seguimos as instruccións do fabricante. Se non, metede o bol no conxelador e sacádeo para remexer a man cada 30 minutos, unhas 4 ou 5 veces. Isto evitará que o xeado cristalice e quede duro.
  8. Para usar as galletas hai dúas opcións: podédelas esmagar e engadir á crema do xeado, ou podedes facer "cortes" co xeado no medio de dúas galletas. Nas fotos distínguense as dúas versións.

Que aproveite!

xeado3xeado2


Xeado de cereixas e chocolate negro

Xeado de cereixa e chocolate negro

Hai tempo probara a facer xeado na casa porque alguén me dixera que se o fas de turrón de Xixona non cristaliza tanto e pódese facer a man. A verdade é que non queda mal, pero resulta un pouco graxo. Para probar máis sabores e texturas, merquei unha xeadeira, a máquina na que se mete o preparado para que o remova sen parar e colla ar. O ar é o segredo dos xeados máis cremosos e lixeiros ;) Se non tendes maquina, podedes acadar o mesmo efecto metendo a masa no conxelador e remexendo a man cada hora.

Para inaugurar a máquina decidin facer unha versión do Cherry Garcia de Ben&Jerry's, pero engadindo máis cereixa! unha das cousas que non sabía era que a máquina precisa 10 horas no conxelador, así que tende conta, hai que preparalo o día antes. O resultado final foi boísimo: estou desexando probar máis combinacións, así que no futuro veredes máis receitas deste tipo :D

Ingredientes (para unha tarrina de algo menos dun litro)

300 gr de cereixas, sen pébedas

75 de chocolate negro, en anacos

200 ml. de nata para bater (35%M.G.)

1 iogur grego

Unha culler de mel

O zume dun limón

100 gr de azucre de caña

  1. Poñemos as cereixas ninha pota co zume de limón, o mel e o azucre. Quecemos a lume medio durante 20 min, remexendo de cando en vez. Esto tamén vos serve para facer unha torta de cereixa estilo Twin Peaks, por se cambiades de opinión.
  2. Retiramos e deixamos arrefriar.
  3. Batemos a nata nun bol grande, ata que quede firme.
  4. Engadimos o puré de cereixas a modiño, para que non baixe a nata.
  5. Botamos o iogur grego, mesturamos e metemos o bol no frigorífico ata que estea moi frío.
  6. Sacamos a cubeta do conxelador e botamos a masa do xeado a bater (seguide as intruccións do fabricante) engadindo os anaquiños de chocolate negro.
  7. Se o facedes a man, gardade o bol directamente no conxelador e sacádeo cada hora para remexer a masa e que non cristalice.

E vós, fixestes algunha vez xeados na casa? Tendes algún truquiño ou consello?

xeado-cereixas-3 xeado-cereixas-2


Quiche vexetal con anacardios

Aínda que non son vexetariana (raro sería tendo un blogue que se chamase así) ultimamente ando a experimentar con pratos sen carne. Esta quiche é moi gustosa e sinxela de facer, sobre todo porque fixen trampa e comprei o follado xa feito, igual que na receita de palmeiriñas. En total levará pouco máis dunha hora.

Penso que é unha boa idea para facer logo do Entroido se quedades cansados do cocido. Ollo, que aínda que non leva carne si leva nata, polo que é bastante farturenta ;)

Ingredientes (4-5 porcións)

1 paquete de follado redondo

8 follas grandes de acelgas

4 cenouras

3 anacos de coliflor

Un feixe de anacardios (60 gr. aproximadamente)

150 ml. de nata para cociñar (a de 18% de materia graxa)

1 ovo grande

1/4 de culleriña de noz moscada

Sal

  1. Enchemos unha pota de auga, quentámola e botamos a coliflor a cocer. Cando leve 10 minutos, engadimos as acelgas limpas e sen talo e as cenouras cortadas en cachos pequenos.
  2. Escoamos as verduras e reservamos.
  3. Prequentamos o forno a 180º
  4. Nunha tixola botamos a nata e quentámola a lume medio xunto ca noz moscada.prep1
  5. Cortamos os anacardos en anacos pequenos
  6. Botamos as verduras e mailos anacardios na tixola, deixamolo estar a lume medio durante 10 minutos. prep4
  7. Batemos o ovo e botámolo na mestura.
  8. Estendemos o follado nun molde redondo. Para que non soba no forno, pinchámolo varias veces cun garfo:prep2
  9. Enchemos o follado co contido da tixola.
  10. Cocemos no forno durante 25 minutos, ou ata que estea ben dourado nas beiras e o recheo algo seco (callado). Depende moito do forno, tende conta disto.

Nota: Recomendo comelo no mesmo día, xa que o follado colle a humidade do recheo e ao día seguinte non está crocante.

Que aproveite!

quiche_vexetal3