Patacas Hasselback con queixo do país e touciño

Estas patacas asadas teñen a súa orixe nun restaurante de Estocolmo, o Hasselback, nos anos 40. De Suecia saltaron a todo o mundo e hoxe en día é unha receita moi popular. As patacas quedan cunha textura similar ao fritilas, pero no forno, e a cantidade de ingredientes que aditen é amplísima, porque as patacas, coma o negro, van con todo.

Podedes meterlles difrenetes queixos, sobrasada e mel, ou siplemente aceite e follas de loureiro, han quedar riquísimas!

Ingredientes (para 4 entrantes, ou dos pratos)

4 patacas ben grandes

100 gr de queixo do país

60 gr. de touciño entrefebrado

Aceite ao gusto

Sal e pementa

  1. Prequecemos o forno a 200º, con calor arriba e abaixo.
  2. Lavamos as patacas e facémoslles fendas cada 0,3-0,5 cm. Para non chegar ao fondo, podedes apoialas no mesado e colocarle dous pauciños (dos de restaurante chinés) ao lados para que fagan de tope.
  3. Botamos un pouco de aceite de oliva entre as fendas e colocamos anaquiños de touciño no medio.
  4. Cocemos no forno durante 45 minutos.
  5. Colocamos o queixo nas fendas, quecemos 10-15 minutos máis con calor só por riba.
  6. Servimos quentiñas :P

Que aproveite!

patacas_hasselback


Cinco trucos para facer unha boa tortilla de patacas

O caso da tortilla de patacas é ben curioso: cantas variantes saen con tan só tres ingredientes! Coma en todos os pratos tradicionais, cada un ten os seus trucos e preferencias, hoxe vouvos contar os meus. Coma unha imaxe vale máis que mil palabras, velaiquí tendes a miña opinión:

Así non:

tortilla_de_patacas_non

Para que as tortillas vos queden sequiñas polos lados e tenras por dentro recoméndovos seguir estes trucos:

  1. Cortar as patacas facendo anacos o máis irregulares que poidades. Deste xeito chucharán máis aceite e quedarán máis brandas. No canto de cortalas en rodas finas, clavade un coitelo pequeno e facede forza para arrincar un cacho pequeno da pataca, é o máis doado.
  2. Bater moito o ovo, para que colla aire. Isto fará que teña máis consistencia ao final.
  3. Engadirlle leite ao ovo: unha culler por cada un. É un truco para que quede máis tenra e suave: o leite fai que se fagan "membranas de coágulo" máis brandas e elásticas. Aquí explícano con máis detalle.
  4. Deixar repousar a mestura de pataca e cebola fritida no ovo durante 20 ou 30 minutos. Se queredes que os anacos de patacas se noten menos, aproveitade para esmagalos cun garfo nestre intre.
  5. Esto no ten que ver directamente coa textura pero HAI VIDA ALÉN DAS PATACAS. Que son a base, si, pero pódese experimentar engadindo cenoura relada, chícharos, bacallao desmigado, camaróns... e se só que queredes darlle un leve toque diferente, probade coas especias: dúas das que mellor combinan con este prato son o comiño e a noz moscada.

Preferides a tortilla "ovosa" ou seca? Tendes trucos ou consellos? Deixádeos nos comentarios!

Desta vez as fotos non son miñas: A segunda imaxe é unha montaxe cunha foto de Recetolandia e primeira está tirada dunha reportaxe sobre pinchos de Antena3


Solombo de porco asado en cervexa tostada

Repasando as entradas do blog decateime de que teño unha leve fixación por facer receitas con alcol. Está a pescada ao forno con viño branco, o churrasco ao ron e o risotto con viño branco. A verdade é que é unha opción pouco coñecida e doada de darlle sabor aos pratos.
Din con esta receita non sei onde, xa nun fun que de atopar a orixinal. O caso é que é un xeito distinto de comer porco, (e ademáis queda moito mollo para mollar o pan ao final!) a cervexa dalle un toque picante e a canela e o loureiro un sabor un chisco amadeirado, moi gustoso. Igual ca nos guisos, sabe mellor se o deixades repousar un día.

Ingredientes
800 gr de solombo de porco, mellor se ten graxa.
600 ml de cervexa tostada
1 cebola grande
50 gr. de manteiga
1 rama de canela
2 follas de loureiro
Sal e pementa ao gusto

  1. Cortamos a cebola en tiras finas (ver vídeo de como facelo apropiadamente nesta ligazón)
  2. Nunha tixola grandeira derretemos a manteiga, douramos a cebola a lume medio ata que estea tenra.porco_prep2
  3. Cortamos o solombo en catro rodas grosas e botámoslle o sal e a pementa.porco_prep1
  4. Retiramos a cebola a un prato e na manteiga restante selamos a carne: cocemola brevemente por todos os lados ata que quede marronciña.
  5. Prequentamos o forno a 150º
  6. Nunha bandexa de cristal colocamos o porco, a cebola e a manteiga que sobre. porco_prep3
  7. Botamos a cervexa por riba e engadimos a rama de canela e o loureiro. Tapamos por completo cun papel albal.porco_prep4
  8. Deixamos cocer no medio do forno a esa temperatura, durante dúas horas.
  9. Retiramos o papel albal e deixámolo cocer 30 minutos máis ata que a carne sexa moi doada de cortar e a salsa mingüe e espese un chisco.
  10. Retiramos a canela e mailo loureiro, servimos o porco acompañado de arroz blanco ou puré de patacas.

porco2


Bacallau dourado (ou á portuguesa)

O bacallau dourado é un prato típico de Portugal que a miña nai facía as fins de semana na aldea da Baixa Limia. Non somos portugueses, pero por poucos kilómetros ;) Pode ser que a receita non sexa súper ortodoxa, pero asegúrovos que está boísimo: paga a pena levar o traballo de desalar o bacallao e aguanta ben dous ou tres días no frigorífico, aínda que o mellor é comelo recén feito.

Pódese empregar bacallao en anacos grosos ou en migas, pero sempre salgado, que é o que lle vai dar ese toque especial.

Ingredientes:

750 gr de bacallao salgado

750 gr de patacas cortadas en rodas finas

300 ml. de aceite de xirasol

2 ou 3 ovos

1 cebola grandona

100 gramos de fariña

Pementa ao gusto de cada un

bacallau2

  1. Para desalgar o bacallao hai que empezar 72 horas antes. Enchemos un bol de auga e metemos o peixe, tendo conta de que estea totalmente mergullado. Cada 12 horas (pola mañá e pola noite, vamos) cambiamoslle a auga.
  2. Quentamos o aceite de xirasol nunha tixola e fritimos as patacas 5 ou 10 minutos, ata que estean douradas por fóra e duras por dentro.
  3. Rebozamos o peixe e frtímolo brevemente para selalo polas beiras, non fai falla que coza por dentro.
  4. Cortamos as cebolas en rodas finas. Co lume baixo e un chisco de aceite, pasámolas ata que douren.
  5. Nunha fonte grande colocamos unha capa de patacas, sen apilalas. Despois engadimos unha capa de cebola e os anacos de bacallao. Como é moi salgado non cómpre botarlle sal, só un pouco de pementa se queredes.
  6. Batimos os ovos e cubrimos con eles o contido da fonte.
  7. Co forno a 170º deixámolo cocer durante 20 ou 30 minutos, ata que o ovo solidifique. Et voilà!

bacallau3

Podedes engadirlle perixel e olivas negras. Que aproveite!


Pescada ao forno con viño branco

Chegou a primeira receita de peixe do blog! Se vos pasa coma a min e tendes perguiza de cociñalo, apuntade isto, que é moi doado e sae ben bo.

Ingredientes (para 4 persoas):

1 quilo de pescada

1 cebola grande

3 patacas grandes

250 de cenouras

1 lata de chícharos

Medio vaso de viño branco

Sal e perexil

Aceite

  1. Pedide na peixaría a pescada sen espiñas. Daránvos dous lombos.
  2. Pelamos as patacas e cortámolas en láminas de entre 0,5 e cm de grosor. Fritimolas un chisco en aceite ata que douren polos dous lados. Reservar nun prato aparte.
  3. Prequentamos o forno a 170º.
  4. Sacamos o aceite da sartén e botamos a cenoura cortada en tiras e a cebola (cortada finiña tamén) na tixola.
  5. Nunha fonte, facer unha "cama" de patacas, cenoura, cebola e os chícharos escorridos. Colocamos a pescada por riba e engadimos dúas ou tres culleres de aceite de oliva, sal e perexil.
  6. Metemólo no forno e despois de 10 minutos, cando comece a secar por riba, botamos o viño branco. Deixamos cocer 10 minutos máis.

DSC05001

Que aproveite!